საინიციატივო ჯგუფი:
- მიხეილ კოპალიანი,
- როინ კონჯარია,
- ბადრი ციკოლია,
- იოსებ ცეკვავა,
- ალექსანდრე კვარაცხელია,
- სოსო ხოშტარია,
- ზურაბ ჯურხაძე,
- როლანდ კალანდია,
- ტრისტან სურმავა,
- ედიკ ღვინჯილია,
- გივი ჭოჭუა,
- თემურ მეჩეხია,
- ჯემალ შუბითიძე,
- გია ღურწკაია,
- მიხეილ ბაღათურია,
- რომან ტორჩინავა,
- ვახტანგ ბენდელიანი,
- სოსო ეხვაია,
- შალვა დანელია,
- ზურაბ ქიქავა,
- დავით ფარცხვანია,
- ზაირა გაზდელიანი,
- გია კვარაცხელია,
- ოთარი ხუბუტია,
- ლევან ორმოცაძე,
- რეზო ხასია,
- ვახტანგ ბერაია,
- სოსო მიმინოშვილი,
- გურამ შონია,
- კუკური გაბესკირია,
- ემზარ ქურციკიძე,
- ბადრი ალასანია,
- პაატა მანია,
- თენგიზ ჯინჭარაძე,
- რომან ჯუხაძე,
- ზაურ კალანდია.
გთხოვთ მოგვაწოდოთ თქვენი აზრი და შეხედულება, თუ რას მოიმოქმედებთ შემდგომში ასოციაციის მუშაობისა და მიზნების განსახორციელებლად; თქვენი აზრი და გამოცდილება ჩვენს საქმეს დიდად გამოადგება.
ჩვენ თუ არაფერს მოვიმოქმედებთ და არ გავერთიანდებით, რათა ერთად ვეძიოთ გზა შინისკენ, მაშინ გამოდის, რომ ვინც აფხაზეთის ომს თავი შესწირა, დასახიჩრდა, დაინვალიდდა, მარჩენალი დაკარგა საქართველოს ერთიანობისთვის, არაფრისთვის უომია და შეუწირავს თავი, მაშინ ჩვენ არაფერი ვყოფილვართ და შეიძლება ღალატადაც ჩაგვეთვალოს.
ასოციაციის ყველა წევრი მაქსიმალურად უნდა ჩავერთოთ საქართველოს ტერიტორიული მთლიანობის აღსადგენად საქართველოს აღმავლობისათვის, საქართველოს დემოგრაფიული საკითხების განხილვაში ქართველი ერის საკეთილდღეოდ.
გვიყვარდეს სამშობლო, გვახსოვდეს ჩვენი წინაპრები, ვინც საუკუნეების ქარცეცხლში შეგვინარჩუნა სამშობლო, ენა, სარწმუნოება.
მძიმე დრო დაგვიდგა, მაგრამ საქართველო მეტად უფრო მძიმე მდგომარეობიდან გამოსულა. იმედია, ყველა ქართველის გულისხმევით არ დავკარგავთ მას, რაც ჩვენმა წინაპრებმა, თავიანთი სიცოცხლის ფასად შეინარჩუნეს.
ჩვენ გაერთიანება გვჭირდება, „სისტემა“ მცირერიცხოვან გაერთიანებებს ვერ ამჩნევს.
როგორც კი ხალხი იწყებს მოქმედებას ერთად, საბოლოოდ, რაღაც გადაწყვეტილება მიიღება.
ფანტაზია იმისა, რომ, ჩვენ ყველაფერს ერთი ხელის მოსმით გადავწყვეტთ, არ გვაქვს, მაგრამ ხანგრძლივი ბრძოლით, მოქმედებით მივაღწევთ საწადელს. ბევრი რამ არის ჩვენზე დამოკიდებული, როგორც მამაკაცებზე, ასევე ქალბატონებზე.
სულ გვგონია, რომ ვიღაც სხვაა დამნაშავე ჩვენს უყურადღებობაში, არა, ჩვენც ვართ და ვიქნებით დამნაშავენი, თუ გულგრილად მოვეკიდებით ჩვენს საქმეს.
ვნახოთ, დრო გვანახებს, ვინ ვინ არის. ცოცხლად ნუ დავიმარხებით, ნუ შევეგუებით ჩვენს დევნილობაში ყოფნას, ავიმაღლოთ ხმა და მსოფლიოს გავაგებინოთ, რომ ჩვენ მათი დახმარება და თანადგომა გვჭირდება, რათა სიმართლემ გაიმარჯვოს.